| एन.बी.अन्जान
रानीटार १ पाँचथर
होसियार नेपालीको स्वाभिमान बेचिएला
एकताको मूल मंत्र राष्ट्रीय गान बेचिएला
लड़ाई दाजू भाई बैरी बनाई एक आपस
हाम्रा बीर सहीदहरुको बलिदान बेचिएला
राष्ट्र र राष्ट्रीयताको खोक्रो आडम्बर भीरी
हाम्रो मान प्रतिष्ठा र पहिचान बेचिएला
नालापानी कालापानी टनकपुर र कणाली झै
मातृ भूमि हाम्रो नेपाल जानाजान बेचिएला
साहसी र बहादुरी पुर्खाको रगतले आर्जेको
विश्व माझको गौरन्वित हाम्रो शान बेचिएला
हाल-दोहा कतार
|
